Ermənistan parlamentinin Xarici əlaqələr komitəsinin əməkdaşı Lilit Gozalyan Azərbaycan Milli Məclisinin deputatı Tural Gəncəliyevi hədələyib.

Qarabaginfo.az xəbər verir ki, bu barədə deputat "Facebook"da paylaşım edib.

Tural Gəncəliyev bildirib ki, L.Gozalyan onu həbsxanada başını kəsməklə hədələyir.

“Ermənistanın uzun illərdir yaratdığı Azərbaycanafobiya və etnik nifrətin bariz nümunəsi olan davranışa görə həmin şəxsin tutduğu vəzifəsindən ən qısa müddətdə kənarlaşdırılması labüddür”, - deyə millət vəkili qeyd edib.