Saytımızı qiymətləndirin


 
 

Ərdoğan Ruhani ilə regional məsələləri müzakirə edib
Tarix: 21-02-2021 | Saat: 22:51
Bölmə:Karusel / Siyasət | çapa göndər

 

Ərdoğan Ruhani ilə regional məsələləri müzakirə edib

Türkiyə Prezidenti Rəcəb Tayyib Ərdoğanla İran Prezidenti Həsən Ruhani arasında telefon danışığı olub. 

Qarabaginfo.az xəbər verir ki, bu barədə Türkiyə Prezident Administrasiyasının İctimaiyyətlə Əlaqələr Şöbəsi məlumat yayıb.

Bildirilib ki, liderlər telefon söhbətində Türkiyə ilə İran arasında əməkdaşlıq, iqtisadiyyat, nəqliyyat, təhlükəsizlik və digər sahələr, eləcə də regional məsələlərlə bağlı müzakirələr aparıblar. 

Ərdoğan Türkiyə-İran əlaqələrinin güclənməsi üçün bütün cəhdləri davam etdirəcəklərini bildirib. 

ABŞ-ın yeni rəhbərliyindən İrana qarşı birtərəfli sanksiyalardan imtina etmələrini və İran xalqının rifahı naminə ədalətsiz maneələrin aradan qaldırılmasını arzuladıqlarını vurğulayan Ərdoğan son bir neçə gündə bu mövzudakı açıqlamaların yeni bir fürsət yaratmasına ümid etdiyini bildirib. 

Türkiyə Prezidenti İranlı həmkarına, həmçinin, deyib ki, bütün tərəflərin Birgə Fəaliyyət Planını yenidən aktivləşdirməsi ən məqbul çıxış yoludur və bütün çətinliklərə baxmayaraq, dialoq qapılarını açıq saxlamaq vacibdir.




127 dəfə oxunub.

Digər xəbərlər
19-01-2018, 12:06 XUDAYAR MÜƏLLİMİN İTİ