Saytımızı qiymətləndirin


 
 

Ömər aşırımında hərbçilərin həlak olması ilə bağlı cinayət işi başlanılıb
Tarix: 30-01-2021 | Saat: 12:51
Bölmə:Karusel / Hadisə | çapa göndər

 

Ömər aşırımında hərbçilərin həlak olması ilə bağlı cinayət işi başlanılıb
Firad Əliyev

Hərbi Prokurorluq Ömər aşırımında hərbçilərin qəzada həlak olması ilə bağlı açıqlama verib.

Qarabaginfo.az xəbər verir ki, Respublika Hərbi prokurorunun böyük köməkçisi, Hərbi Prokurorluğun Mətbuat Xidmətinin rəhbəri, ədliyyə müşaviri Firad Əliyev bildirib ki, yanvarın 28-də Kəlbəcər rayonu ərazisində, "Ömər aşırımı" adlanan yerdən keçən yolda hərəkətdə olan "Ural" markalı nəqliyyat vasitəsinin qəzaya uğraması nəticəsində müddətdən artıq həqiqi hərbi xidmət hərbi qulluqçuları Mustafayev Ramiz Bağman oğlu və Qaragözov Alıxan Əkbər oğlu ölüblər.

Onun sözlərinə görə, daxil olan sözügedən məlumat əsasında Gəncə hərbi Prokurorluğunun əməkdaşları tərəfindən hadisə yerinə baxış keçirilib, izahatlar alınıb və digər hərəkətlər icra edilib:

Fakt üzrə Gəncə hərbi Prokurorluğunda Azərbaycan Respublikası Cinayət Məcəlləsinin 351.3-cü (Döyüş və ya xüsusi təyinatlı nəqliyyat vasitələrini, yaxud hərbi texnikanı idarəetmə və istismar qaydalarının pozulması ehtiyatsızlıqdan iki və ya daha çox şəxsin ölümünə səbəb olduqda) maddəsi ilə cinayət işi başlanılaraq şahidlər dindirilib, müvafiq ekspertizalar təyin edilib və digər zəruri istintaq hərəkətləri həyata keçirilib".

"Hazırda istintaq davam etdirilir və qanunvericiliyin tələblərinə uyğun olaraq bütün tədbirlərin görülməsi təmin ediləcək", - F.Əliyev bildirib.



Xəbəri paylaş

1329 dəfə oxunub.

Digər xəbərlər