Tarix: 21-10-2022 | Saat: 10:45
Bölmə:Region | çapa göndər
“Zaqatalada Qadınların Sosial İnkişafına Dəstək” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Aqentliyinin maliyyə dəstəyi ilə keçirilən “2022-ci il kiçik qrant müsabiqəsi”nin qalibi olub.
“Qadın Hüquqları ilə bağlı marifləndirmə” layihəsinin icrasına 1 sentyabr 2022-ci il tarixindən başlanılan, layihənin icrası istiqamətində müvafiq tədbirlər görülüb.
Layihənin əsas məqsədi hədəf ərazilərdə yaşayan qadınlara qadın hüquqlarını təbliğ etmək və gələcəkdə qadınların hüquqlarının tapdalanması hallarının azadılması istiqamətində iş aparmaqdır. Layihənin icra olunacağı 2 ay ərzində Zaqatala rayonunda 5 bələdiyyə ərazisində (Mazıx, Dağlı, Gözbarax, Lahıc, Yenqiyan bələdiyyələri). hər bələdiyyədə 1 sessiya olmaqla qadın hüquqlarının təbliği məqsədi ilə maarifləndirici tədbirlər həyata keçirilib. Layihədən hər görüşdə 30 nəfər olmaqla 150 nəfər birbaşa faydalandı.
Layihədən birbaşa faydalananlar tədbirdə iştirak edənlərdi. Hər yaş qruplarının seçilməsində məqsəd onların həyatlarında bu maarifləndirici görüşlərin faydasından istifadə etmələridir. Dolayı yolla faydalananlar iştirak edənlərin ailə üzvləri, həmyaşıdları, digər sakinlər və icma sahibləridir. Ümumi faydalananların sayı 150 nəfərdir.Dolayı yolla faydalananların sayı 700 nəfərdir.
Kənd yerlərində qadınların (gənc qızların) öz hüquqlarını bilməsi , özlərini müdafiə etməsinə daha cox ehtiyacı olduğundan bu layihədən faydalanması məqsədə uyğundur.
Bu layihənin həyata keçirilməsində İctimai Birliyə dəstək olmuş Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Ağentliyinə və əməyi kecən təşkilatlara təşəkkür və minnətdarlığımızı bildiririk.
Digər xəbərlər