Saytımızı qiymətləndirin


 
 

Müdafiə Nazirliyi: "Azərbaycan Ordusunun mülki əhalini və infrastrukturu hədəfə alması barədə məlumatlar yalandır"
Tarix: 13-09-2022 | Saat: 02:00
Bölmə:Manşet / Karusel / Qarabağ | çapa göndər

Müdafiə Nazirliyi KİV və sosial şəbəkə istifadəçilərinə xəbərdarlıq edib

Ermənistan tərəfindən guya Azərbaycan Ordusunun mülki əhalini, obyektləri və infrastrukturu hədəfə alması barədə yayılan məlumatlar həqiqəti əks etdirmir. Bu, Ermənistan tərəfinin yaydığı növbəti dezinformasiyadır.

Bu barədə Qarabaginfo.az-a Müdafiə Nazirliyindən məlumat verilib.

Qeyd olunub ki, Ermənistanın təxribatlarına cavab olaraq əks tədbirlər lokal xarakter daşıyaraq atəş nöqtəsi olan legitim hərbi hədəflərə qarşı yönəlib:

"Cavab tədbirləri kiçikmiqyaslı və hədəflənmiş xarakter daşıyaraq Azərbaycan sərhədlərinin təhlükəsizliyini təmin etmək və Ermənistanın təxribatlarına son qoymaq məqsədi daşıyır.

Mülki obyektlərin və günahsız insanların hədəfə alınması Ermənistan silahlı qüvvələrinin tətbiq etdiyi standart hərbi metodologiyadır. 30 illik işğal dövründə və 44 günlük Vətən müharibəsində məhz Ermənistan tərəfi ballistik raketlər və kasetli bombalarla qəsdən və məqsədyönlü şəkildə Azərbaycan şəhərlərini və mülki əhalisini hədəfə alırdı".




158 dəfə oxunub.

Digər xəbərlər