Həm respublikaçı, həm də demokrat konqresmenlər ABŞ-ın ticarət naziri Hovard Latnikdən Ceffri Epşteynlə əlaqələrinə görə istefa verməsini tələb edir.

Qarabaginfo.az xəbər verir ki, bu barədə ABC News məlumat yayıb.

“Onunla bağlı çoxlu suallar var. Düzünü desək, prezidentin işini asanlaşdırmaq üçün onun sadəcə istefa verməsi lazımdır”, - respublikaçı konqresmen Tomas Massi bildirib.

Hovard Latnikin Epşteynlə əlaqələrinə dair məlumatlar yanvarın sonlarında dərc olunan sənədlərdə yer alıb. Belə ki, o, 2012-ci ilə aid yazışmasında maliyyəçinin şəxsi adasını həyat yoldaşı və uşaqları ilə ziyarət etməyi planlaşdırdığını bildirir. Sonradan Epşteyn Latnikə “onu görməkdən məmnun olduğunu” yazıb ki, bu da adaya ziyarətin baş tutduğunu göstərir.