Hər iki tərəf Putin və Tramp arasında görüş üçün şəraitin tez bir zamanda yaradılmasında maraqlıdır.

Qarabaginfo.az xəbər verir ki, bunu Kremlin rəsmi nümayəndəsi Dmitri Peskov bildirib.

Onun sözlərinə görə, bütün tərəflər Putin və Tramp arasında mümkün görüş üçün ilkin şərtlərin mümkün qədər tez müəyyən edilməsində maraqlıdırlar.

Peskov hazırda belə bir şəraitin nə vaxt yaradılmasını proqnozlaşdırmağın çətin olduğunu söyləyib və əlavə edib ki, Moskva ilə Vaşinqton belə bir görüşün məzmunlu və yaxşı hazırlanmış olmasının vacibliyini vurğulayıblar.

Kreml rəsmisi Rusiya və Ukrayna nümayəndə heyətləri arasında İstanbulda görüşün planlaşdırılması ilə bağlı suala da cavab verib. O, bu xəbəri təsdiqləməkdən imtina edib.

O qeyd edib ki, Kremlin bu məsələ ilə bağlı hələlik verəcəyi heç bir məlumat yoxdur. Peskov Rusiya ilə Ukrayna arasında əsir mübadiləsi ilə bağlı ekspert səviyyəsində əlaqələrin olduğunu və danışıqların davam etdiyini vurğulayıb.