Cari ilin 9 ayı ərzində qanunsuz yollarla ölkəyə gətirilməsinə cəhd göstərilən 1295 karatdan çox qiymətli daşlar aşkar edilib.

Qarabaginfo.az xəbər verir ki, bu barədə DGK-nın Mətbuat və İctimaiyyətlə Əlaqələr İdarəsi məlumat yayıb.

Bildirilib ki, Dövlət Gömrük Komitəsi tərəfindən həyata keçirilən tədbirlər nəticəsində 2025-ci ilin 9 ayı ərzində qanunvericiliyin tələblərini pozan şəxslərdən 220 qram qızıl külçə, 267 min 57 manat dəyəri olan 437 ədəd qızıl zinət əşyaları, 7259,16 qram gümüş zinət əşyaları və gümüş əşyalar, 1295,843 karat qiymətli daşlar, eləcə də 433 890 ABŞ dolları, 10 410 000 rus rublu, 21 690 avro, 100 000 funt sterlinq aşkar olunub.