Yəmənin “Ənsar Allah” hərəkatının silahlı dəstələri tərəfindən Qırmızı dənizin şimalında ABŞ təyyarədaşıyan Harri Truman və onu müşayiət edən gəmilərə raket və PUA-ların köməyi ilə hücum olduğu bildirilir.

Qarabaginfo.az xəbər verir ki, bu haqda qiyamçıların hərbi sözçüsü Yəhya Sariya məlumat verib.

“Son bir neçə saat ərzində raket qüvvələrimiz və pilotsuz təyyarələrdən istifadə etməklə Qırmızı dənizin şimalında bir sıra döyüş gəmilərini, o cümlədən ABŞ-ın “Harry Truman” təyyarədaşıyan gəmisini vurub”, - deyə o, “Al Masirah” telekanalında deyib.

Onun sözlərinə görə, üsyançılar həmçinin təchizat gəmisinə ballistik raketlə hücum ediblər.