ABŞ prezident seçkilərində qalib gələn Donald Tramp Rusiya lideri Vladimir Putinlə sövdələşmə aparmaq üçün onun haqqında xoş danışır.
Qarabaginfo.az xəbər verir ki, bunu ABŞ-ın NATO-dakı keçmiş səfiri Kurt Volker deyib.
Onun sözlərinə görə, bütün bunlar danışıqlar strategiyasının tərkib hissəsidir, ona görə də ölkədə əsas posta seçilən Tramp rusiyalı həmkarı haqqında mənfi bəyanatlardan yayınır.
Diplomat xatırladıb ki, ilk prezidentlik dövründə də Tramp Putin haqqında müsbət fikirlər səsləndirib. Eyni zamanda o, Kiyevə silah tədarükünə qoyulan embarqonu ləğv edib və Rusiyanın San-Fransiskodakı konsulluğunu bağlayaraq bunu casus əməliyyatı adlandırıb.
