ABŞ gənclərinin dörddə üçündən çoxu hazırda tibbi səbəblərə görə hərbi xidmətə yararsızdır.

Qarabaginfo.az xəbər verir ki, bunu Pentaqonun hərbi xidmətə çağırış siyasəti üzrə direktoru Keti Helland deyib.

Onun sözlərinə görə, 17-24 yaş arasında olan amerikalı gənclərin təxminən 77%-i istisnasız olaraq hərbi xidmətə yararsızdır.

O bildirib ki, sözügedən yaşda olan gənclər orduda xidmətə tamamilə yararsız vəziyyətdədilər ki, bu da onların orduya cəlb olunmasına mane olur.

Bildirilir ki, ABŞ Ordusu 2025-ci ildə 61 min yeni əsgər - əvvəlki üç ildə nəzərdə tutulduğundan altı min çox yeni əsgər cəlb etməyi planlaşdırır. Orduya qəbul şərtlərinin pisləşməsinə baxmayaraq 2024-cü ildə, bir neçə ildən sonra ilk dəfə olaraq orduya qəbul planı yerinə yetirilib.

Helland vətəndaşların 10%-dən azının hərbi xidmətə maraq göstərdiyini deyib. Avqustun 21-də Konqres ABŞ ordusunda ciddi problemlərin olduğunu etiraf edib.

Respublikaçı Mayk Vals ölkə Silahlı Qüvvələrinin döyüş hazırlığının səviyyəsinin dəhşətli vəziyyətdə olduğunu deyib.