Hollandiya Ukrayna Silahlı Qüvvələri üçün pilotsuz uçuş aparatlarının hazırlanmasına təxminən 400 milyon avro ayıracaq.

Qarabaginfo.az xəbər verir ki, bu barədə ölkənin Müdafiə Nazirliyinin saytında məlumat verilib.

Müdafiə naziri Ruben Brekelmans məsələyə münasibət bildirərkən bunları deyib:

"Hollandiya əvvəllər F-16 və Patriot sistemlərinin tədarükündə qabaqcıl rol oynayıb və indi biz bunu inkişaf etmiş pilotsuz təyyarələrlə davam etdiririk, PUA fəaliyyət planına 400 milyon avro sərmayə qoyuruq".

Onun sözlərinə görə, söhbət kəşfiyyat, müdafiə və hücum üçün istifadə oluna bilən hər cür perspektivli dronlardan gedir.

Nazir həmçinin artıq Ukraynaya 3,76 milyard avro vəsait ayrıldığını deyib.