2025-ci il və növbəti üç ili əhatə edən ortamüddətli dövr üzrə büdcə siyasətinin məqsəd, istiqamət və hədəfləri bir sıra çağırışlar nəzərə alınmaqla müəyyən edilib.

Qarabaqinfo.az “2025-ci ilin dövlət və icmal büdcələrinin ilkin göstəricilərinə dair Açıqlama” sənədinə istinadən xəbər verir ki, 2021, 2022 və 2023 -cü illərdə növbəti ortamüddətli dövr üçün hazırlanmış büdcə çərçivəsi sənədlərində əks olunan çağırışların əksəriyyəti 2025-2028-ci illərdə öz aktuallığını qoruyur.

Beləliklə, yaxın 4 ildə hansı çağırışlar olacaq və onların aktuallığı nə qədərdir?

Xüsusən aktualdır:

• Azərbaycan 2030: sosial - iqtisadi inkişafa dair Milli Prioritetlər və 2022-2026-cı illərdə sosial-iqtisadi inkişaf Strategiyası

• Qarabağ və Şərqi Zəngəzur iqtisadi rayonlarının bərpası, ölkə iqtisadiyyatına reinteqrasiyası və ərazilərə Böyük Qayıdışın təmin edilməsi

• Regional və qlobal geosiyasi gərginlik

• Ölkənin müdafiə qabiliyyətinin gücləndirilməsi

Aktualdır:

• Neft gəlirlərinin azalması
• Qeyri-neft sektorundan əldə olunan gəlirlərin ümumi büdcə gəlirlərində payının artırılması

• Xərclərin artımının iqtisadi artım göstəriciləri və dayanıqlı gəlir mənbələri ilə uzlaşdırılması

Qismən aktualdır:

• Qlobal miqyasda tənəzzül və böhran meyilləri

• Əsas ticarət tərəfdaşı olan ölkələrdə milli valyutaların dəyərsizləşməsi

• İnflyasiya təzyiqləri və ərzaq böhranı

• Pensiya sisteminin dayanıqlığı