Ukraynalı pilotların F-16 qırıcı təyyarələri üçün ABŞ-da təlim keçə bilməməsi Ukraynanı məyus edib.

Qarabaginfo.az xəbər verir ki, ABŞ tərəfi ukraynalı pilotlara təlim keçmək üçün kifayət qədər yerin olmadığını bildirərək digər ölkələrin də növbə gözlədiyini əsas gətirib.

Qeyd edək ki, Ukrayna rəsmiləri ABŞ və digər ölkələrdən F-16 döyüş təyyarəsi üçün pilot hazırlığı məsələsini tezləşdirməyi tələb edir. Kiyev qeyd edir ki, hazırkı proqram tezliklə Ukrayna Hərbi Hava Qüvvələrinin alacağı təyarələri idarə etmək üçün kifayət qədər pilot hazırlamır.

Məlumata görə Ukrayna ABŞ hökumətindən 30 ukraynalı pilota təlim keçilməsini tələb edib. ABŞ isə öz növbəsində Arizonada keçirilən təlim proqramında eyni vaxtda 12-dən çox pilotu yerləşdirmək üçün kifayət qədər yer olmadığını bildirib.

Danimarka və Rumıniyadakı digər iki qurumda da bənzər problem yaşandığı qeyd olunur.