NATO yaxın 20 ildə Rusiya ilə mümkün müharibəyə hazır olmalıdır.

Qarabaqinfo.az-ın məlumatına görə, bunu NATO Hərbi Komitəsinin sədri Rob Bauer bildirib.

“Başa düşməliyik ki, bizim sülh içində olmağımız özlüyündə təminat deyil. Və buna görə də NATO qüvvələri olaraq Rusiya ilə münaqişəyə hazırlaşırıq”, - Bauer deyib.

Onun sözlərinə görə, alyans mümkün təhlükələrə daha çox hazır olmalıdır.

“Həmçinin, elə bir sistem hazırlamaq lazımdır ki, söhbət müharibədən getsə, daha çox insanı xidmətə çağırmaq imkanı olsun”, - o vurğulayıb.

Bauerin sözlərinə görə, münaqişəyə hazırlaşmaq üçün kifayət qədər tez silah və sursat istehsal etməyə imkan verəcək müvafiq baza yaratmaq lazım gələcək.