Yunanıstanın xarici işlər naziri Giorgos Gerapetitis yaxın vaxtlarda Ermənistana səfər etmək niyyətindədir.

Qarabaqinfo.az xəbər verir ki, o, bunu Avropa İttifaqının Xarici Əlaqələr Şurası formatında keçirilən iclasından əvvəl bəyan edib.

“Yunanıstan Cənubi Qafqazda davam edən sülh prosesini alqışlayır. Yunan dövlətinin səyləri sayəsində Ermənistan bu gün daha geniş regionda davamlı sülhə yönəlmiş mövqelərini təqdim etmək üçün Xarici Əlaqələr Şurasına dəvət olunub. Şəxsən mən Ermənistanın xarici işlər naziri ilə uzun-uzadı söhbət etmişəm və yaxın vaxtlarda Ermənistana səfər etmək niyyətindəyəm. Bu gün mənim iki ölkənin - Ermənistan və Azərbaycanın xarici işlər nazirləri ilə görüşmək imkanım olacaq”, - deyə Giorgos Gerapetitis qeyd edib.