Gürcüstan həbsxanalarında 99 Azərbaycan vətəndaşı saxlanılır.

Qarabaginfo.az xəbər verir ki, bu barədə Gürcüstanın Milli Statistika İdarəsinin cari ilin sentyabr ayı üzrə hesabatında bildirilib. Qeyd olunub ki, həbsdə olan Azərbaycan vətəndaşlarından 11-i qadın, 88-si isə kişidir.

Həbsdə olanlardan Azərbaycan vətəndaşlarından biri həddi buluğa çatmayan oğlandır. Məlumata görə, həbsdə olan Azərbaycan vətəndaşlarından 19-a qarşı ittiham irəli sürülüb, 80-i barəsində isə hökm oxunub.

Gürcüstanda probasiya nəzarətində saxlanılan Azərbaycan vətəndaşlarının sayı isə 50 nəfər təşkil edib. Onlardan 25-i Tbilisidə, 10-u Kvemo-Kartlidə (Borçalı), 3-ü Kaxeti, 11-i isə Acarıstan-Quriya, 1-i isə Sameqrelo-Zemo Svaneti bölgəsindədir.

Gürcüstan həbsxanalarında hazırda 42 İran, 33 Ermənistan, 119 Rusiya, 205 Türkiyə və 47 Ukrayna vətəndaşı daxil olmaqla ümumilikdə 749 əcnəbi saxlanılır.(Apa)