“Ermənistanın Azadlığı üçün Gizli Erməni Ordusu” (ASALA) terror təşkilatı İrəvandakı sinaqoqa qarşı vandalizm aktına görə məsuliyyəti öz üzərinə götürüb.

Qarabaginfo.az Trend-ə istinadən xəbər verir ki, sinaqoqun üzərinə maye tökülüb və şüşələri sındırılıb.

ASALA terror təşkilatının bununla əlaqədar olaraq yaydığı məlumatda hücum “İrəvandakı Ümumdünya yəhudi mərkəzinə qarşı uğurlu qorxutma əməliyyatı” adlandırılıb.

“Yəhudilər Ermənistan dövlətinin və erməni xalqının qəddar düşmənidir. Bu xəbərdarlıqdır: oktyabrın 3-də İrəvandakı uğurlu əməliyyatımız hələ başlanğıcdır. Bu, ciddi öhdəliklərimizin sadəcə bəyanıdır. Hər bir ravvin bizim diqqət mərkəzimizdə olacaq”, - terrorçu təşkilatın məlumatında deyilir.