"2020-ci ildə imzalanan atəşkəsdən sonra Ermənistanda ciddi böhran yaşandı". 

Qarabaginfo.az xəbər verir ki, bunu Ermənistanın xarici işlər naziri Ararat Mirzoyan Avstriyanın "DerStandard" qəzetinə müsahibəsində deyib.

"Təşkilatçılar arasında ekstremist qüvvələr də var idi. Hökumət binalarına da hücum edilib. Mən özüm də hücuma məruz qaldım, o vaxt parlamentin sədri idim. Qərara gəldik ki, xalqa müraciət edək. Demokratiya belə işləyir. Seçkilərin əsas məsələləri Paşinyanın sülh gündəmi və Ermənistanın demokratik islahatları davam etdirib-etdirməməsi olub. Bütün çətinliklərə baxmayaraq, hakim partiya azad və ədalətli seçkilərdə qalib gəldi. Təbii ki, bu gün də hökumətin ünvanına tənqidlər var ki, bu da sağlamdır. Lakin o dövrün böhranı aradan qaldırıldı", - deyə XİN rəhbəri açıqlayıb.