Tokionun Kiyevə ayırdığı maliyyə yardımının ümumi məbləği 7,6 milyard dollardır.

Qarabaginfo.az xəbər verir ki, bu barədə bazar günü Ukrayna prezidenti Vladimir Zelenskinin ofisində Yaponiyanın baş naziri Fumio Kişida ilə Xirosimada keçirilən “Yeddilik” (G7) sammiti çərçivəsində keçirilən danışıqların yekunu üzrə məlumat verilib.

“Prezident Fumio Kişidanın Ukraynaya, xüsusən Yaponiyanın G7-yə sədrliyi çərçivəsində beynəlxalq dəstəyin səfərbər edilməsində şəxsi rəhbərliyini yüksək qiymətləndirib. Prezident əvvəllər ayrılmış 7,6 milyard dollarlıq maliyyə yardımı paketinə görə Yaponiyaya təşəkkür edib” – məlumatda bildirilir.

Bundan əlavə, Zelenski yaralı ukraynalı hərbçilərin müalicəyə qəbulu qərarına və Ukrayna Silahlı Qüvvələrinin ehtiyacları üçün 100 yük maşını şəklində əlavə yardıma görə Yaponiyaya təşəkkür edib.