Yaxın günlərdə Türkiyə, Rusiya, Suriya və İran xarici işlər və müdafiə nazirləri, həmçinin Kəşfiyyat idarəsi rəhbərləri səviyyəsində görüş baş tutacaq.

Qarabaginfo.az xənər verir ki, bu barədə Türkiyə Prezidentinin sözçüsü İbrahim Kalın “Anadolu” agentliyinə müsahibəsində bildirib.

O qeyd edib ki, görüş Moskvada baş tutacaq, tərəflər görüşün tarixini dəqiqləşdirir.

Kalının sözlərinə görə, Türkiyə öz sərhədlərinin təhlükəsizliyi, terrorla mübarizə və suriyalı miqrantların ölkələrinə qayıtması mövzusunda mövqeyini açıq şəkildə bildirib.

Kalın, həmçinin deyib ki, İranın tələbi ilə bu görüşlərin dördtərəfli formatda keçirilməsində də fayda var.