Ukraynanın Luqansk vilayətinin sabiq hərbi administrasiya rəhbəri Sergey Qayday Qazaxıstana səfir göndəriləcək.

Qarabaqinfo.az Ukrayna mətbuatına istinadən xəbər verir ki, bu barədə ölkə prezidenti Volodimir Zelenskinin rəsmi qərarı gözlənilir.

Məlumata görə, Qayday mətbuata faktı təsdiqləyib. Lakin təyinatın hansı tarixdə baş tutacağı haqqında məlumat verilməyib.

Qeyd edək ki, 2019-cu ildən Luqansk administrasiyasının rəhbəri olan məşhur siyasətçi 15 martda postunu tərk edib. Ukrayna Prezidenti yanında Dövlət İdarəçilik Akademiyasının məzunu olan Qayday bu vaxta qədər müxtəlif yüksək vəzifələrdə çalışıb. modern.az