Bu günlərdə hüquqi-inzibati cəhətdən Azərbaycan Respublikasının Tərtər, Kəlbəcər və Ağdam rayonlarının ərazisinə daxil olan, amma müvəqqəti olaraq Rusiya "sülməramlı"larının nəzarətində qalan qondarma "Mardakert rayonu" "administrasiyasının rəhbəri" Arsen Avanesyan bildirib ki,  Tərtər-Ağdərə-Kəlbəcər yolu dekabrın 12-dən azərbaycanlılar üçün bağlanıb və Laçın yolu açılana qədər açılmayacaq. Bu barədə dekabrın 19-da “Armenian Military Portal” teleqram kanalı məlumat yayıb.

Hələlik rəsmi Bakı magistral yolun bağlanması ilə bağlı vəziyyəti şərh etməyib.

Qarabaginfo.az xəbər verir ki, “Hərbi Hüquqşünaslar” QHT-nin rəhbəri Telman Əbilov "Kavkazski uzel" beynəlxalq nəşrinə açıqlamasında məsələni belə şərh edib:

 

“Əlbəttə, Ağdərə-Kəlbəcər yolu Kəlbəcərdəki hərbçilərin və inşaatçıların təchizatı baxımından Azərbaycan üçün vacibdir, lakin bu, Kəlbəcərə gedən yeganə marşrut deyil. Çox əlverişli olmasa da, alternativ yollar da var”.

 

Eyni zamanda hərbi ekspert yolun nümayişkaranə şəkildə bağlanmasının hərbi eskalasiyaya da səbəb ola biləcəyini vurğulayıb. 

 

“Azərbaycan ordusu Kəlbəcər rayonunun şərqindəki bütün əsas yüksəklikləri işğal edir. Eyni zamanda, ermənilərin mövqeləri əlində saxlayır. Və  Azərbaycan ordusu qanuni olaraq Azərbaycanın beynəlxalq səviyyədə tanınmış ərazisində yerləşir. Ərazidəki erməni silahlı birləşmələri isə beynəlxalq hüquq baxımından qeyri-legitimdir. Eyni zamanda, texnika və silahlarda say üstünlüyü  Azərbaycanın tərəfindədir. Yayda Azərbaycan əsgərinin həlak edilməsinə cavab olaraq Azərbaycan ordusu artıq güc tətbiqinə əl atdı. Bu da Qarabağın qərbində və cənubunda əsas yüksəkliklərin azad edilməsinə səbəb oldu və  Rusiya sülhməramlıları bu tədbirlərin qarşısını ala bilmədi" -deyə Əbilov vurğulayıb.(Moderator.az)