ABŞ-ın müdafiə naziri Pit Heqsetə qarşı impiçment prosedurunun başlanması cəhdinin uğursuzluğu Demokratlar Partiyasında narazılığa səbəb olub.

Qarabaginfo.az xəbər verir ki, bu barədə “The Wall Street Journal” qəzeti məlumat yayıb.

Qəzetin məlumatına görə, demokratlar uğursuzluğa görə bir-birlərini günahlandırır və partiya daxilində kifayət qədər birliyin olmamasından narazılıqlarını bildirirlər. Səsvermədə 11 demokrat iştirak etməyib. Onların səsləri nəticəyə təsir edə bilərdi.

Konqresmen Visente Qonsales partiyada ciddi məyusluq olduğunu bildirib və belə mühüm məsələdə bütün üzvlərin səsvermədə iştirak etməli olduğunu vurğulayıb.

Qeyd edək ki, ABŞ Nümayəndələr Palatası Heqsetin impiçmenti ilə bağlı qətnaməni müzakirə üçün müvafiq komitəyə göndərib. Komitədə respublikaçılar çoxluq təşkil etdiyindən təşəbbüsün qəbul olunması faktiki olaraq bloklanıb.