Ukrayna Rusiya əsirliyində olan daha 45 hərbi qulluqçunu ölkəyə geri qaytarıb.

Qarabaginfo.az “Kommersant”a istinadən xəbər verir ki, bu barədə məlumatı Ukrayna Prezidentinin Ofisinin rəhbəri Andrey Yermak açıqlayıb.

Onun sözlərinə görə, geri qaytarılan hərbçilər əsgər və çavuşlardır. Bununla yanaşı, iki ukraynalı hərbçinin cəsədi də Ukraynaya təhvil verilib.

Rusiya tərəfi isə əsir mübadiləsi barədə hələ ki açıqlama yaymayıb.

Xatırladaq ki, Rusiya və Ukrayna arasında son dəfə əsir mübadiləsi noyabrın 3-ü baş tutub. Bu zaman Rusiya Ukrayna əsirliyində olan 107 hərbçini geri qaytarıb.