“Allaha şükürlər olsun ki, vəziyyətimiz yaxşıdır”.

Qarabaginfo.az xəbər verir ki, bunu ötən gün Azərbaycanda qəzaya düşən türkiyəli deputat Şamil Ayrım sosial şəbəkə hesabında yazıb.

“Azərbaycana səfərimiz zamanı cənab Binəli Yıldırımla birlikdə yol qəzası keçirdik. Allaha şükürlər olsun ki, vəziyyətimiz yaxşıdır. Bizə xoş arzularını göndərən hər kəsə təşəkkür edirəm”, - AKP-dən seçilmiş deputat vurğulayıb.

Qeyd edək ki, ötən gün Türkiyənin sabiq Baş naziri, Türk Dövlətləri Təşkilatının Ağsaqqallar Şurasının sədri Binəli Yıldırım, onun mühafizəçisi və millət vəkili Şamil Ayrımın olduğu avtomobil Zəngilan hava limanı yolunda qəzaya düşüblər. Hadisədən sonra hər üç şəxs helikopterlə Bakıya gətirilib. Onlar profilaktika məqsədilə xəstəxanaya yerləşdiriliblər. 

Həkim müayinəsindən sonra hər üç şəxs bu gün Türkiyəyə yola salınıb.(modern.az)