Rusiyanın Ukraynada "xüsusi əməliyyat" zonasında qoşun qruplaşmasının komandanı, general Sergey Surovikinin sözlərinə görə, "Xersonda vəziyyət son dərəcə mürəkkəbdir".

 

Qarabaginfo.az xəbər verir ki, bu barədə o, "Rossiya 24" telekanalına müsahibəsində bəyan edib.

 

"Ayıq başla, vaxtında hərəkət etməliyik, çox sadə olmayan qərarların qəbul edilməsi istisna edilmir", - general bəyan edib.

 

Surovikinin sözlərinə görə, "düşmən kritik infrastruktura zərbələr endirir", ona görə də Xerson şəhəri ilə bağlı "gələcək planlar və hərəkətlər yaranacaq hərbi-taktiki vəziyyətdən asılı olacaqdır".

 

Surovikin dəqiqləşdirib ki, Ukrayna qüvvələri HIMARS sistemlərinin mərmilərilə Antonov körpüsünü və Kaxovka SES-nin bəndini zədələyib.

 

Nəhayət, həm general Sudovikinin, həm də Xersonun işğalçı hakimiyyəti nümayəndələrinin bəyanatlarında "düşmənin qadağan edilmiş döyüş sursatlarından Kaxovka SES-ə zərbələr endirilməsi üçün istifadə edilməsinin" mümkünlüyü qeyd edilib.

 

Bir sıra rusiyalı və ukraynalı mənbələr, habelə ekspertlər və hərbi jurnalistlər rusiyalıların Xerson uğrunda döyüşlərə aktiv surətdə hazırlığı barədə bəyan edir.

 

Yayılan məlumatlara görə, Rusiya qruplaşmasının komandanlığı Xerson və onun ətrafının əhalisinin Krım və Krasnodar diyarının şəhərlərinə təxliyə edilməsi barədə qərar qəbul edib.

 

"Ukrayna tərəfindən Nikolayev və Krivoy Roq istiqamətlərdə genişmiqyaslı hücum üçün qüvvələr toplanır", - Xerson vilayəti qubernatorunun vəzifəsini müvəqqəti icra edən Vladimir Saldo "Telegram-kanal"ında məlumat verib. - Rusiya Federasiysı bu hücumun qarşısını almaq üçün hərbi qruplaşma formalaşdırıb".

 

Bu zaman vilayətin işğalçı hakimiyyəti Xerson şəhəri və vilayəti sakinlərinə öz videomüraciətini paradokdal bəyanatla başlayıb:

 

"Hörmətli Xerson vilayətinin sakinləri! Siz hamınız bilirsiniz ki, Ukrayna Rusiyaya total, güzəştsiz müharibə elan edib", - bununla da fevralın 24-də Rusiya qoşunlarının Ukraynaya tammiqyaslı hərbi müdaxiləsi və rusiyalı hərbçilərinin Ukraynanın dinc yaşayış məntəqələrinə güclü atəşlərə məruz qoyması ilə başlanan faciəli hadisələrin gedişini tamamilə təhrif edib.

 

"Kaxovka SES-in bəndinin planlaşdırılan dağıdılması ilə əlaqədar ərazilərin su basması və suyun elektrik stansiyasının kaskadından yuxarıya, Dnepr çayı axını istiqamətində vurulmasının bilavasitə təhlükəsi mövcuddur", - Saldo dolaşıq fikirlər səsləndirib, mümkün "dağıntılar" və "subasmalar"da, gözlənildiyi kimi, ukraynalı hərbçiləri ittiham etməməklə yanaşı, təbii ki, gələcək miqyaslı diversiya və təxribatlarda Rusiyanın məsuliyyətini də vurğulamayıb.

 

"Belə vəziyyətdə mən Berislav, Belozersk, Sniqirevsk və Alekdandrovsk rayonlarının mülki əhalisinin Dneprin sol sahilinə mütəşəkkil olaraq yerdəyişməsi barədə ağır, amma düzgün qərar vermişəm".

 

Vladimir Saldo yerdəyişməyə qərar verənlərə Rusiya Federasiyası hökuməti sədrinin müavini Marat Xusnullinə istinad edərək, Dneprin sol sahilində və ya "Rusiyanın uzaqda olan regionlarında" pulsuz yaşamaq üçün yaşayış sertifikatları veriləcəyini vəd edib.

 

"Hamıdan təmkinliyi saxlamağı, təlaşçılara baş qoşmamağı xahiş edirəm", - Saldo müraciətinin sonunda çağırış edib.

 

Regionda vəziyyətin ciddiliyini dolayısı ilə "DXR"-in  sabiq "müdafiə naziri" İqor Qirkin (Strelkov) də təsdiq edib.

 

"Xersonda həyəcanlıdır", - o, özünün "Twitter" səhifədində lakonik qeyd edərək Surovikin və Saldonun çıxışlarından iqtibas gətirib.(moderator.az)