Rusiya diplomatik kanallarla Türkiyə ərazisində Moskva və Qərb ölkələri arasında danışıqların keçirilməsinə dair heç bir konkret təklif almayıb.

Qarabaginfo.az-ın məlumatına görə, bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə bildirib.

“Mən brifinqi keçirənə qədər diplomatik kanallarla Türkiyə ərazisində Moskva və Berlin, Paris, London və Vaşinqton arasında danışıqların keçirilməsinə dair heç bir konkret təklif almamışıq. Bir daha dünən dediyimizi təsdiq edə bilərəm. Bilmirəm, vəziyyət dinamik şəkildə dəyişir. Sonra nə baş verəcəyini bilmirəm. Brifinqə hazırlıq dövründə belə bir məlumat almamışıq”, deyə Rusiya XİN sözçüsü vurğulayıb.