"Yaxşı, biz indi rusdilli əhalinin müdafiəsi üçün Baltikyanıya qoşun yeritsək, NATO ölkələri yerindən tərpənəcəkmi?..: 

 

Rusiyalı təbliğatçılar rusiyalıları Avropa İttifaqı ölkələrinə buraxmamaq barədə mümkün qərara sərt reaksiya verib... 

 

Məşhur rusiyalı teleaparıcı Vladimir Solovov Avropa İttifaqının üzünü rusiyalılara bağlayacağı təqdirdə rus qoşunlarının Baltikyanı ölkələrə yeridiləcəyi ilə təhdid edib.

 

Qarabaginfo.az xəbər verir ki, bu barədə o, özünün "Solovyov LİVE" proqramında bəyan edib.

 

Rusiya vətəndaşlarının Avropaya girişinə sərt və güclü məhdudiyyət qoyulmasına ən çox Latviya, Litva və Estoniya tərəfdardır.

 

"Yaxşı, biz indi rusdilli əhalinin müdafiəsi üçün, - Latviyada onlar əhalinin 40 faizini təşkil edir, - qoşunlarımızı yeridərik. 

 

NATO ölkələri yerlərindən tərpənəcəkmi? Berlin, Paris, London, Brüssel bizim raketlərdən yanmağa hazırdırmı? 

 

Amerika özlərinin nasist xisləti ilə rusdillilərin hüquqlarını pozan Baltikyanılar uğrunda döyüşə girməyə hazırdırmı?", - o, bəyan edib və vurğulayıb ki, Rusiya nüvə silahını da tətbiq etməyə hazırdır.

 

Bundan öncə Ukrayna prezidenti Ofisi rəhbərinin müşaviri Aleksey Arestoviç, onun sözlərinə görə, "yaxşı ruslardan və pis belaruslardan qaçmaq" istəyənləri tənqid edib.

 

O, deyib ki, "incə məqamlardan baş çıxarmaq çətindir, amma hamıya nifrət etmək və hamını inkar etmək sadədən sadədir". (Moderator.az)