Qarabaginfo.az xəbər verir ki, bu barədə Yaponiyanın "Shukan Gendai" nəşri yazıb.

 

Bu nəşr yapon generalından iqtibas gətirərək qeyd edir ki, o, Rusiyanın Xokkaydoya "müdaxilə edəcəyindən" ehtiyat edir.

 

Putinin bundan sonra nə edəcəyini heç kim bilmir. Son illər Yaponiyada Çin və Şimali Koreya ilə bağlı yüksək dərəcədə ayıq- sayıq olmağa çağırışlar edilib, amma indi ən gözlənilməz rəqib Rusiyadır. Bizim üçün cəbhə xətti isə Xokkaydodakı "Şimal müdafiəmiz"in təməl daşı olan Asaxikava şəhəri ola bilər.

 

 

Xokkaydodakı Asaxikava şəhəri Yaponiyanın ən şimal prefekturasının ikinci böyük yaşayış məntəqəsidir, hələ Meydzi dövrünün ortalarından "hərbi şəhər" kimi çiçəklənib. Bu, onunla bağlı olub ki, köhnə yapon imperator ordusunun 7- ci diviziyası "ən güclü yapon diviziyası" kimi burada, Asaxikavada dislokasiya edilib, Yaponiyanın keçmiş Sovet İttifaqından "şimal müdafiəsi"nin mühüm dayağı hesab edilib.

 

Bu gün Asaxikavada Yaponiya özünümüdafiə qüvvələri quru qoşunlarının 2- ci diviziyasının qərargahı yerləşir, "şimal istiqaməti"nin komandanlığına tabedir, hələ də özünümüdafiə qüvvələrinin "elitası" adlanır. Onun sıralarında 8 min nəfər var və Yaponiyanın ən müasir silahları ilə təchiz edilən ən böyük hərbi birləşməsidir.

 

 

Rusiyanın Ukraynada xüsusi hərbi əməliyyatı kontekstində Putin Yaponiyanı artıq "dost olmayan ölkə" və ya faktiki olaraq düşmən adlandırıb. Bundan başqa, Rusiyanın nüfuzlu siyasi xadimi, aprelin 1- də "Ədalətli Rusiya" partiyasının lideri Sergey Mironov açıq şəkildə bəyan edib ki, "Rusiyanın Xokkaydoya hüquqları var".

 

Bununla əlaqədar olaraq Yaponiya ilə Rusiya arasında gərginlik get- gedə sürətlə artmaqdadır.

 

Yaponiyanın özünümüdafiə quru qoşunlarının sabiq general- mayoru, hazırda nüfuzlu Tiba elmi- tədqiqat institutunun professoru Xiroki Yamasita deyib:

 

"Rusiyanın Xokkaydoya müdaxiləsi elə fövqəladə vəziyyət olacaq ki, ona indidən hazırlaşmaq lazımdır. Belə hücum ssenarisinin mərkəzində Birləşmiş Ştatlar ilə Rusiyanın kəskin qarşıdurması dayanır. Gələcəkdə bu qarşıdurmanın dərəcəsinin artması zamanı onun ən mühüm əhatə dairəsi Xokkaydonu şimal- şərqdən yuyan Oxot dənizi akvatoriyası olacaq.

 

Məsələ buraşındadır ki, məhz bu akvatoriyadan Rusiya üçün ABŞ- a gerçək hərbi təhlükə yaratmaq rahatdır, bu zaman burada yerləşən atom sualtı donanmasını işə sala bilər. Bu dəniz arealı böyük ehtimalla Rusiya tərəfindən Amerikaya nüvə zərbəsi endirmək üçün istifadə edilə bilər. Burada ABŞ- ın müttəfiqi olan Yaponiyanın hərbi amilini tamamilə aradan qaldırmaq üçün Yaponiyanın hərbi bazaları yerləşən Xokkaydonun bir hissəsini işğal etmək lazımdır. Və mən vurğulayıram: belə ehtimal heç də sıfra bərabər deyil.

 

"Soyuq müharibə" dövründən Yaponiya özünümüdafiə qüvvələri İdarəsinin Birləşmiş qərargahı (hazırda Müdafiə nazirliyinin Birləşmiş qərargahı) Rusiyanın Yaponiyaya mümkün müdaxilə variantlarını nəzərdən keçirib və müvafiq müdafiə planlarını işləyib hazırlayıb.

 

Rusiya silahlı qüvvələrinin güman edilən desant məntəqələri kimi Xokkaydonun şimalında yerləşən Vakkanay, Xamatombetsu və Tesio şəhərləri müəyyən edilib. Hesab edilir ki, Rusiya qoşunları eyni zamanda bu üç istiqamətdə hücum həyata keçirəcək.

 

Keçmiş Sovet İttifaqında Uzaq Şərqdə 400 min hərbi qulluqçu dislokasiya edilmişdisə, hazırda 80 min nəfər təşkil edir.

 

Xokkaydoya müdaxilə baş verərsə, Rusiya, hem şübhəsiz, öz silahlı qüvvələrini əvvəlcədən cəmləşdirəcək.

 

Bu barədə müdafiə nazirliyində kəşfiyyat analitiki işləmiş, hazırda hərbi və informasiya strategiyası Tədqiqat institutunun direktoru olan Kiniti Nisimura bəyan edib.

 

"Bizim fikrimizcə, Rusiyanın Vladivostokda yerləşən Sakit okean donanmasının əsas qüvvələri Xokkaydoya müdaxilədən öncə gizli surətdə Soya (Laperuza) boğazından  Saxalinə keçid edəcək ki, Yaponiya tərəfindən hava və dəniz hücumuna məruz qalmasın. Ən real marşrutla orada Xokkaydonun şimalına desant çıxarılacaq.

 

Hal- hazırda Uzaq Şərqdə Rusiyanın səkkiz böyük desant gəmisi var. Bundan başqa, Şimal donanmasının səkkiz belə desant gəmisini də buraya əlavə edin. Tərkibində 20- dək döyüş gəmiləri olan belə desant qruplaşmasında 10 min nəfər və 400 tank ola bilər.

 

Bizim tərəfdən quru qoşunlarının şimal istiqamətində özünümüdafiə qoşunlarının ümumi sayı 30 min hərbi qulluqçu təşkil edir. Müdaxilə baş verəcəyi təqdirdə onların əsas kütləsi Otoyneppu şəhəri yaxınlığındakı aşırımda dislokasiya oluna bilər, çünki bura Xolkaydonum şimalında ən çətin keçilən dağ ərazisidir.

 

Rusiya ordusunun başlıca məqsədi yuxarıda qeyd olunan şəhərlərdən başqa, 2- ci diviziyanın Xokkadonun bütün şimalının müdafiəsinə cavabdeh olan komandanlığı yerləşən Asaxilava şəhərinin ələ keçirilməsi olacaq.

 

Burada Rusiya ordusunun istifadə edə biləcəyi az keçilən yollar var, onların əksəriyyəti məhz Otoyneppu aşırımından keçir. Ona görə də Otoyneppu Rusiya qoşunlarının cənub istiqamətdə Asaxikavaya keçmək üçün dəf edəcəyi ilk həlledici qala olacaq. Yaponiyanın özünümüdafiə qüvvələri üçün burada hərbi müdaxilənin qarşısını ala bilməsi məsələsi həlledici olacaq.

 

Əvvəla, Otoyneppunun 630 min sakinini təxliyə etmək lazım gələcək. Daha sonra düşmənin keçəcəyi yolların hər iki tərəfində təpələrdə Yaponiyanın özünümüdafiə qüvvələrini yerləşdirmək lazım olacaq. Burada özünümüdafiə qüvvələri ilə Rusiya ordusu arasında şiddətli döyüşlər olacaq.

 

Özünümüdafiə qüvvələri üçün yerin relyefindən istifadə edərək vaxt udmaq vacibdir. Bu arada bizim qoşunlar Asaxikava şəhərindən şimala tank bölmələrini yerləşdirməlidir.

 

Lakin nəzərə almaq lazımdır ki, hücum baş verərsə, Rusiya qoşunlarının desant əməliyyatları yalnız Xokkaydonun şimalı ilə məhdudlaşmayacaq.

 

Rusiya ordusunun "şimal ərazilərindən" (Yaponiyada Rusiyaya məxsus Cənub Kuril adalar qrupu belə adlanır) şərq istiqamətindən mümkün desant çıxarması çox təhlükəlidir. Buradan onun zərbəsi çox güman ki, Xokkaydonun cənub- şərq dəniz sahilində yerləşən  Obixoro şəhəri tərəfə olacaq. Burada özünümüdafiənin quru qüvvələri dislokasiya edilib, yaxınlıqda isə Nemuruda Yaponiya HHQ- nin aviabazası yerləşir.

 

 

(Moderator.az)