Amerika Birləşmiş Ştatlar hazırda “G7” tərəfdaşları və beynəlxalq maliyyə institutları ilə növbəti rüb ərzində iqtisadiyyatı ayda 5 milyard ABŞ dolları səviyyəsində saxlamaq üçün maliyyə ehtiyaclarını təxmin edilən Kiyevə kömək etmək üçün əlavə vəsaitin haradan toplanacağı ilə bağlı müzakirələr aparır.

Qarabaginfo.az xəbər verir ki, bu barədə ABŞ-ın maliyyə naziri Canet Yellen mətbuat konfransında bildirib.

“Biz bu həftə G7 çərçivəsində, həmçinin beynəlxalq maliyyə institutları ilə müzakirələr aparırıq. Biz maliyyə ehtiyaclarını və bu pulu necə toplaya biləcəyimizi müzakirə edəcəyik. Düşünürəm ki, biz Ukraynanın ehtiyaclarını ödəmək üçün yollar tapmalı olduğumuzu qəbul etməkdə birləşmişik”, - ABŞ Maliyyə Nazirliyinin rəhbəri bildirib.

Onun sözlərinə görə, ABŞ Ukraynaya 1 milyard ABŞ dolları yardım edib və gələcək maliyyə dəstəyi üçün ABŞ administrasiyası Konqresə əlavə sorğu ilə müraciət etməli olacaq.