Ermənistanın Baş naziri Nikol Paşinyanın Moskvaya səfəri zamanı əməkdaşlığa dair sənədlər paketinin imzalanması planlaşdırılır.

Qarabaginfo.az xəbər verir ki, bunu Kremlin sözçüsü Dmitri Peskov deyib.

O xatırladıb ki, Paşinyanın bu gün Rusiya lideri Vladimir Putinlə görüşü planlaşdırılıb:

“Sonra Paşinyan Rusiya hökuməti səviyyəsində çox intensiv təmaslar planlaşdırır. Orada bütün sənədlər paketi imzalanacaq”, - Peskov bildirib.

Qeyd edək ki, daha öncə Paşinyanın səfəri zamanı rusiyalı həmkarı Mixail Mişustin, Dövlət Dumasının sədri Vyaçeslav Volodin və Federasiya Şurasının sədri Valentina Matviyenko ilə də görüş keçirəcəyi bildirilmişdir.