Qarabaginfo.az xəbər verir ki, bu barədə Ermənistanın nüfuzlu “Past” nəşri yazıb.

Nəşrin qeyd etdiyinə görə, çoxlu hallar var ki, bu dövrdə mühüm müsbət dəyişikliklər və hərəkətlənmələr baş verir.

“Amma bizdə bunun tam əksi var. Nikol Paşinyan dörd ildir hakimiyyətdədir, bu illər ərzində o, yalnız bir məsələyə - ölkəni məhv etməyə nail olub. Əvvəlcə Paşinyan, bir qayda olaraq, vaxtaşırı mətbuat konfransları keçirərək, səlahiyyət müddətinin yekunları ilə bağlı 100 fakt təqdim edirdisə, bir müddət sonra, xüsusən də müharibədən sonra həm 100 fakt, həm də yekun mətbuat konfransları tarixə düşdü. Ancaq bu, başa düşüləndir. Onun hakimiyyəti dövründə inkişafın son izləri sönəndə Paşinyan nə təqdim edə bilər? Ancaq geriləmə və durğunluq görünür”, - deyə nəşr bildirir.

Nəşrə görə, Ermənistan üçün çox vacib olan, illərin gərgin zəhməti nəticəsində yaradılmış təhlükəsizlik sistemi tamamilə dağılıb: “Hətta təhlükəsizlik sistemindən hansısa formada qalan qırıntılar da yığılıb bərpa olunmur, nəhayət Paşinyan və onun komanda yoldaşları tərəfindən parçalanıb məhv edilir. Bir sözlə, bir neçə cilddə uğursuzluqlar haqqında yüzlərlə fakt təqdim edə bilər. Eyni zamanda, rəqib ölkənin lideri artıq Ermənistanın ordusunun olmasını qadağan edəcəyini bəyan edir. Bu, sözün əsl mənasında Ermənistanı öz suverenliyinin əsas komponentindən məhrum etmək deməkdir və bizim hakimiyyətdən heç bir cavab yoxdur, yəni rəqib Ermənistana necə diktə edirsə, elə də olmalıdır”.