Beynəlxalq Qızıl Xaç Komitəsi (BQXK) Ukraynadakı fəaliyyəti ilə bağlı kütləvi dezinformasiyaya məruz qaldığını iddia edir.

Qarabaginfo.az “Figaro”ya istinadla xəbərinə görə, qurumun sözçüsü Evan Vatson mətbuat konfransında bildirib ki, dezinformasiya onun əməkdaşlarının işini çətinləşdirir.

Komitənin Ukraynada əhalinin təxliyəsinə dair fəaliyyəti barədə məqsədyönlü şəkildə yalan məlumatlar yayılır. Bu xəbərlər bəzən ciddi media qurumlarının da xəbər bülletenlərinə yol tapır. Kütləvi dezinformasiyanın məqsədi Komitəni gözdən salmaqdır.

Təşkilatın sözçüsü Qızıl Xaçın Rusiyanın Rostov şəhərində büro açmasına dair xəbərləri də təkzib edib.