Qarabaginfo.az xəbər verir ki, bu barədə Ermənistanın “Hraparak” nəşri yazıb.

Qeyd olunub ki, iclasa “xüsusi qonaq” qismində Baş nazirin müavini Mher Qriqoryan və xarici işlər naziri Ararat Mirzoyan dəvət olunub.

“Lakin müxalifət qəzəbli və məyus halda iclası tərk edib. Bəziləri yeni heç nə eşitməyəcəklərini düşünərək iclasın ortasında otağı tərk ediblər. Sonradan bizə dedilər ki, hakimiyyət Qarabağın (qondarma qurum – red.) “statusu” ilə bağlı heç nə açıqlamayıb. İctimaiyyət qarşısında dediklərindən artığını deməyiblər. Yalnız danışıqlarda Qarabağın “öz müqəddəratını təyin etməyə” çalışdıqlarına eyham vurublar, lakin Qarabağın Azərbaycan daxilində “statusu”nu müzakirə etməyəcəklərinə söz verməyiblər. Geğam Manukyan Qarabağdakı qaz probleminə və Qarabağ sakinlərinə ümid yaradacaq digər məsələlərə normal, məlumatlı cavablar verə bilməyən Mher Qriqoryandan məyus olub. Bir sözlə mənasız iclas olub və hakimiyyət müxalifətin gözləntilərini doğrultmayıb. Lakin deputatlara heç bir məxfi, açıqlanmayan məlumat verilməsəydi, qapalı iclas keçirməyin ümumiyyətlə mənası olmazdı”, - deyə nəşr bildirib.