Prezident Vladimir Putinin bu gün Moskvadakı “Lujniki” stadionunda Krımın Rusiyaya birləşdirilməsinin 8-ci ildönümünə həsr olunmuş mitinq-konsertdəki çıxışı telekanallarda yayımlanarkən xəta baş verib. Onun çıxışı yarıda kəsilib.
Qarabaginfo.az xəbər verir ki, Rusiya prezidentinin mətbuat katibi Dmitri Peskov Putinin “Krım baharı” mitinq-konsertindəki çıxışının yayımının qəfil kəsilməsinin səbəbini izah edib.
Peskov jurnalistlərə “buna serverdəki texniki nasazlıq səbəb olub” deyib.

O, söz verib ki, “bir dəqiqədən sonra prezidentin tam çıxışı təkrarlanacaq”.
“Rossiya 24” (VGTRK) telekanalı həmin an artıq yenidən Rusiya Federasiyası prezidentinin çıxışını göstərib.