Xəbər verdiyimiz kimi, bu gün Türkiyə Prezidenti Rəcəb Tayyib Ərdoğan Ukrayna dövlət başçısı Volodimir Zelenski ilə telefonla danışıb.

Qarabaginfo.az xəbər verir ki, bu barədə Tvitterdə paylaşım edən Ukrayna lideri Türkiyəyə və Ərdoğana təşəkkür edib.

“Güclü dəstəyə görə dostum, cənab Prezident Rəcəb Tayyib Ərdoğan və Türkiyə xalqına təşəkkür edirəm. Qara dənizə Rusiya hərbi gəmilərinin keçməsinə qadağa qoyulması və əhəmiyyətli hərbi və humanitar yardımlar bu gün son dərəcə vacibdir. Xalqımız bunu heç vaxt unutmayacaq!”, - deyə Zelenski qeyd edib.

Qeyd edək ki, Zelenskinin paylaşımı Qara dənizin Rusiya gəmilərinə bağlanması kimi qiymətləndirilib. Adını açıqlamayan türkiyəli rəsmilərdən biri isə hələlik belə qərar verilmədiyini bildirib.