Tarix: 15-02-2022 | Saat: 08:11
Bölmə:Karusel / Dünya | çapa göndər
Yaponiyanın Baş naziri Fumio Kisida çərşənbə axşamı Ukrayna Prezidenti Volodimir Zelenski ilə telefon danışığı aparmaq niyyətindədir.
Qarabaginfo.az xəbər verir ki, bu barədə Yaponiyanın Fuji TV telekanalı hökumətdəki mənbələrə istinadən məlumat yayıb.
Məlumata görə, Kisida Ukraynada qalan Yaponiya vətəndaşlarının təhlükəsizliyi məsələsinə toxunmaq və bu ölkə ətrafında yaranmış böhranın diplomatik yolla həlli yolları barədə fikir mübadiləsi aparmaq niyyətindədir.
Çərşənbə axşamı Yaponiyanın xarici işlər naziri Yosimasa Hayaşi bildirib ki, rəsmi Tokio Ukrayna ətrafında vəziyyətin sülh yolu ilə nizamlanması səylərini dəstəkləyir, lakin vəziyyətin gərginləşəcəyi təqdirdə Rusiyaya qarşı sanksiyaların tətbiqini istisna etmir. Lakin o, belə tədbirlərin konkret məzmununu açıqlamayıb.(Report)
Digər xəbərlər