Fransa Prezidenti Emmanuel Makron Rusiya lideri Vladimir Putinlə danışıqlar aparmaq üçün Moskvaya gəlib.

Qarabaginfo.az “RİA Novosti”yə istinadən xəbər verir ki, Makron təyyarəsi yerə endikdən sonra yarım saata yaxın onu tərk etməyib. 

Daha əvvəl o, Putinlə görüşdən əvvəl nikbin olduğunu, lakin “qəfil möcüzələrə” inanmadığını bildirmişdi.

Fransa prezidentinin sözlərinə görə, onun səfərinin məqsədi Ukrayna ətrafında vəziyyətin pisləşməsinin qarşısını almaqdır. Kreml qeyd edib ki, Ukrayna məsələsi ilə yanaşı, dövlət başçıları təhlükəsizlik təminatı layihələrini də müzakirə edəcəklər.

Danışıqlardan sonra Putin və Makron birgə mətbuat konfransı keçirəcək.