2022-ci il yanvarın 1-nə Azərbaycan Əmanətlərin Sığortalanması Fondu (ADIF) tərəfindən ləğv edilmiş banklarda 115 151 kredit olub.

Qarabaginfo.az xəbər verir ki, bu barədə Azərbaycan Əmanətlərin Sığortalanması Fondundan məlumat verilib.

Məlumata görə, onlardan 45 770-i məhkəməyədək icraatda, 9 127-si məhkəmə icraatında, 60 254-ü isə icra statusundadır.

Hazırda Azərbaycanda 21 bank ləğvetmə prosesindədir. Bunlar “AG Bank”, “Amrah Bank”, “Atabank”, “Atra Bank”, “Bank of Azerbaijan”, “Borçalı Bank”, “Evro Bank”, “Credo Bank”, “Royal Bank”, “Bank Tehnique”, “United Credit Bank”, “Zamin Bank”, “Azerbaijan Credit Bank”, “Birlik Bank”, “Debut Bank”, “Deka Bank”, “Dəmir Bank”, “Gəncə Bank”, “NBC Bank”, “Qafqaz İnkişaf Bankı” və “Bank Standard”dır.