Ermənistan Azərbaycana gedən 45 km dəmir yolu hissəsinin bərpası üçün təxminən 200 milyon dollar xərcləyəcək.

Qarabaginfo.az TASS-a istinadən xəbər verir ki, bu barədə Ermənistanın baş nazirinin müavini Mher Qriqoryan bildirib.

O qeyd edib ki, Ermənistan hökuməti dəmir yolunun Arazdəyən - Culfa - Ordubad - Mehri - Horadiz hissəsinin 45 km-lik hissəsini bərpa etməyi planlaşdırır.

"Mütəxəssislərin ilkin hesablamalarına görə, dəmir yolu relslərinin Ermənistan ərazisindən keçən hissələrinin bərpasının indikativ dəyəri təqribən 200 milyon dollar təşkil edəcək. Ermənistan ərazisindən keçən həmin hissənin uzunluğu ümumilikdə 45 km-ə yaxın olacaq, dəmir yolunun ümumi uzunluğu isə təqribən 340 km-dir”, – o əlavə edib.