Rusiya Hərbi Hava Qüvvələri İrəvanın «Erebuni» aviabazasında «Rus vityazları»  aviaşousu keçirib. 

 

Qarabaginfo.az xəbər verir ki, Ermənistanın News.am nəşrinin yaydığı məlumata görə, bu barədə jurnalistlərə Rusiya Hərbi Hava Qüvvələrinin «Erebuni» aerodromundakı hərbi bazasının komandiri polkovnik Aleksandr Petrov danışıb.

 

«Biz Ermənistan Müdafiə Nazirliyinin aviasiya idarəsi ilə, həmçinin Erebunidə yerləşən alay komandirləri və Gümrü hava limanında yerləşən dəstə ilə də çox fəal əməkdaşlıq edirik. Və Rusiya Hərbi Hava Qüvvələri  burada verilən istənilən tapşırığı yerinə yetirməyə hazırdır», - aviabaza komandiri belə deyib.

 

"Təlim uçuşlarında erməni və rus pilotları Türkiyə tərəfdən görünürmü?" sualına Petrov gülümsəyərək cavab verib: "Əlbəttə ki, görünür. Amma elə gözəl pilotajımız var ki, onu  görənlərin hamısı yalnız zövq alır".

 

 «Rus vityazları» pilot qrupu Dubayda keçirilən avia-nümayişən sonra İrəvanda dayanıb. Rusiyanın  Kubinka şəhərindəki aerodroma gedərkən yanacaqdoldurma və istirahət üçün eniş planlaşdırılıb. Bu səbəbdən də təyyarələr İrəvana enməli olub" - deyə Rusiya bazasının komandiri əlavə edib.(Moderator.az)