Əfqanıstandakı Taliban hökumətinin xarici işlər naziri Əmir Xan Müttəqi bu gün Türkiyəyə gəlir.

Qarabaginfo.az “Khaama” agentliyinə istinadən verdiyi xəbərə görə, bu barədə Taliban Xarici İşlər Nazirliyinin (XİN) sözçüsü Abdul Qəhər Bəlxi bildirib.

Onun sözlərinə görə, Qətərdə səfərdə olan Əmir Xan Müttəqi bu gün Türkiyəyə gedəcək. A.Q. Bəlxi bildirib ki, səfər Türkiyə XİN rəhbərinin dəvəti ilə reallaşır.

Qeyd edək ki, İslam Əməkdaşlıq Təşkilatına üzv bir neçə ölkənin xarici işlər nazirlərinin yaxın zamanda Kabilə səfəri gözlənilir. Türkiyə və İndoneziya xarici işlər nazirlərinin bu səfərdə iştirak edəcəyi artıq təsdiqlənib.(Apa)