Gürcüstanın sabiq prezidenti Mixeil Saakaşvilinin səhhəti qənaətbəxşdir. Onun həyati əlamətləri normaldır.

Qarabaginfo.az TASS-a istinadən xəbər verir ki, bu barədə Gürcüstanın Ədliyyə Nazirliyinin Xüsusi Penitensiar Xidmətinin yaydığı açıqlamada qeyd olunur.

“Bu ana qədər Mixeil Saakaşvilinin vəziyyəti qənaətbəxşdir. Xüsusi Penitensiar Xidmət Mixeil Saakaşvilinin səhhətinin pisləşməsi ilə bağlı mediada yayılan məlumatların həqiqətə uyğun olmadığını bildirir. Mixeil Saakaşvili təyin olunmuş dərman vasitələrini əldə edir. Hazırkı vaxta qədər onun səhhəti qənaətbəxşdir. Təzyiqi – 120/90, nəbzi – 90, qanda şəkəri – 101-dir”, - qurumun “Facebook” səhifəsində yerləşdirilən məlumatda belə deyilir.

Qeyd edək ki, bir qədər əvvəl M.Saakaşvilinin şəxsi həkimi Nikoloz Kipşidze Gürcüstanın “Mtavari Arkhi” telekanalına verdiyi açıqlamasında keçmiş prezidentin səhhətinin pisləşdiyini və xəstəxanaya yerləşdirilməsinin zəruriliyini bildirmişdi.(Apa)