Qarabaqinfo.az saytının məlumatına görə, turun görüşlərindən sonra klubların UEFA reytinqi açıqlanıb.

Avropanın ən yaxşı 100 komandası arasında Azərbaycanın yalnız bir təmsilçisi yer alıb. Bu, Ağdamın “Qarabağ” klubudur.

Premyer Liqanın vitse-çempionu II turda Kipr “Omoniya”sını 4:1 hesabı ilə darmadağın edib. Bu qələbə Qurban Qurbanovun yetirmələrinin hesabına 0,500 xal gətirib.

Aktivini 19,000-a çatdıran “Qarabağ” 2 pillə irəliləyib. Bu görüşədək Avropada 71-72-ci yerləri bölüşən təmsilçimiz artıq 69-72-ci pillələrə şərikdir.

Ağdamlılar “Feyenoord”u (Niderland), ÇFR (Rumıniya) və “Molde” (Norveç) ilə eyni xala malikdir.

Qeyd edək ki, siyahıya “Bavariya” başçılıq edir – 120,000.

• Qadın mütəxəssis kişilərdən ibarət komandanın baş məşqçisi kimi debüt edib
• Keysuke Honda “Neftçi”dən getməsinin səbəbini açıqlayıb
• Çempionlar Liqasının final oyununun rəsmi loqosu təqdim olunub