Bu gün Rusiya Federasiyasının Bryansk vilayətində Belarus qeydiyyatlı yük maşınına pilotsuz uçuş aparatının hücumu nəticəsində Belarus Respublikasının vətəndaşı yaralanıb.

Qarabaginfo.az xəbər verir ki, bu barədə Belarus Xarici İşlər Nazirliyi məlumat yayıb.

Məlumata görə, Belarus vətəndaşı ağır xəsarətlər alıb, o, reanimasiya şöbəsinə yerləşdirilib.

“Burada bölgədəki vəziyyəti gərginləşdirmək cəhdini, həmçinin, Belarusun münaqişəyə cəlb edilməsinə yönəlmiş əlaqələndirilmiş hərəkətlərin tərkib hissəsini görürük”, - açıqlamada qeyd olunub.