Serbiyanın Voyvodina muxtar bölgəsində Dunay çayında suyun səviyyəsinin rekord həddə enməsi səbəbindən bir neçə bələdiyyədə fövqəladə vəziyyət elan edilib.

Qarabaginfo.az xəbər verir ki, bu barədə bölgə hökuməti məlumat yayıb.

Bildirilib ki, suyun səviyyəsi normadan 127 santimetr aşağı düşüb ki, bu da suvarma sistemləri və kənd təsərrüfatı üçün ciddi problemlər yaradıb.

Bölgə hökuməti vəziyyətin nəticələrinin aradan qaldırılması üçün əlavə maliyyə vəsaiti ayırıb.