Venesuelada iyunun 24-də baş vermiş güclü zəlzələ nəticəsində həyatını itirənlərin sayı 2 645 nəfərə yüksəlib.

Qarabaginfo.az xəbər verir ki, bu barədə ölkənin İnformasiya və Rabitə Nazirliyi məlumat yayıb.

Məlumata görə, təbii fəlakət nəticəsində 12 666 nəfər yaralanıb, 15 050 nəfər evsiz qalıb. 189 bina tamamilə dağılıb, 885 tikiliyə ciddi ziyan dəyib.

Axtarış-xilasetmə əməliyyatları zamanı 6 462 nəfər xilas edilib, 20 909 nəfər tibbi yardım alıb. Bundan əlavə, 86 117 ailəyə yardım göstərilib, zərərçəkənlərə 9 486 ton ərzaq çatdırılıb.

Xatırladaq ki, iyunun 24-də Venesuelanın Yarakuy ştatında 40 saniyə fasilə ilə 7,2 və 7,5 bal gücündə iki zəlzələ baş vermişdi.