Vaşinqtonda “Hilton” hoteldə keçirilən Ağ Ev Müxbirləri Assosiasiyasında baş verən atışmadan öncə mətbuat katibi Kerolayn Livitt maraqlı müsahibə verib.

Qarabaginfo.az xəbər verir ki, Ağ Ev rəsmisi mərasim zamanı ABŞ lideri Donald Trampın səs-küy salacaq çıxışı haqda anons verib.

-Hazırsınızmı? O hazırdır, elə deyilmi?

-O hazırdır. Sizə deyim ki, bu axşam ənənəvi Donald Tramp çıxışı gözlənilir. Gülməli, maraqlı olacaq. Deyərdim ki, bu gecə burada atəş açılacaq. (red.- kimlərəsə açıq tənqid, söz atışması mənasında zarafat edir. Gülür.) Ona görə hamı izləməlidir. Çox möhtəşəm olacaq. Mən də eşitməyi səbirsizliklə gözləyirəm.

-Və siz dediniz ki, çıxışın çox hissəsini özünüz yazmısınız.

-Buradan özümə pay götürə bilmərəm. Bu, həqiqətən də Donald Tramp üslubudur. O, özü qələmi götürüb yazır. Yəni çıxışın böyük hissəsi onun öz işidir.