İşğalçı, separatçı ermənilər Azərbaycanın işğal altındakı torpaqlarını bacardıqları qədər məskunlaşdırmaqda davam edirlər.

Qarabaginfo "Moderator.az"a istinadən xəbər verir ki, erməni jurnalistlərin işğal altındakı dağlarımızdan  hazırladıqları materialda son illərdə Ermənistanın Sisian rayonunun Anqexakot kəndindən köçüb Laçın rayonunun “Noraşenik” adlandırılmış  kəndlərindən birində (çox güman ki, Narışlar kəndi) məskunlaşmış Slavik Mnatskanyandan bəhs edilir.  Məlum olur ki,  Ermənistan vətəndaşı Laçının kəndinə anası və qardaşı Araratla birgə köçüb. Slavikin bu yaxınlarda Şuşanik adlı qızı olub. Araratın isə 3 övladı var. S.Mnatsakanyan Ermənistanın kəndində dolana bilmədiklərindən buraya gəldiklərini bildirib. Erməni deyir ki, Laçının kəndlərinin iqlim və otlaq şəraiti heyvandarlıq üçün daha əlverişlidir. Ona görə də qısa müddətdə qoyunlarının sayını 100-dək artırıb. Ermənistan vətəndaşı deyir ki, hələ gəldiyindən iki il öncə gəlsə idi, bu saat 400 qoyunu olardı...

Jurnalistlərlə söhbətindən məlum olur ki, Slavik Mnatsakanyan 2016-cı ilin aprel savaşı zamanı könüllü dəstə tərkibində Talış kəndinin müdafiəsində də Azərbaycana qarşı vuruşub...

Müxbirlər  köynəyinin üzərində ingilis dilində “general” yazıldığını görüb erməni çobanı zarafatla “dağların generalı” adlandırırlar...

Sultan Laçın